सिमकोट माथिल्लो गाउमा रहेको कालासिल्ता मन्दिरमा अज्ञात समूह द्वारा गएराति चोरी

सिमकोट गाउँपालिका–५ मा गएराति चोरी भएको घटना सार्वजनिक भएको छ। जिल्ला प्रहरी कार्यालय हुम्लाका अनुसार अज्ञात व्यक्तिहरुले सिमकोट गाउँ पालिका ६ माथिल्लो गाउमा रहेको कालाशिल्ता मन्दिर (माडु)मा राती करिब साढे १२ बजे तिर मन्दिर को ढोका फोडेर दाइने शंख १, गौरी शंख १, साधारण शंका २, मजेरा ताल १ जोरि,चोखोपनको डब्बामा राखिएको तेल ९ डब्बा, घण्टा (घाट )३ वटा,ठुला दिया ४ वटा,नगद रकम २० हजार चाँदिका सिक्का पुराना ४० वटा,बिकुल १ वटा र १ सय दिया अड्ने थाली १ वटा बहुमुल्ल्य सामग्री चोरी गरेको मन्दिरका पुजारी डबल बहादुर रोकायाले जानकारी दिएका छन् ।
चोरी भएको सामानको खोजी तथा घटनामा संलग्न व्यक्तिको पहिचानका लागि प्रहरीले अनुसन्धान अघि बढाएको जनाएको छ। जिल्लामा पछिल्लो समय चोरीका घटना बढ्न थालेपछि स्थानीयवासीले सुरक्षा व्यवस्था थप प्रभावकारी बनाउन माग गरेका छन्।