गाउँपालिका अध्यक्ष विजय भण्डारीद्धारा रेडियो मानसरोवरको समुउद्घाटन

“बिबिधतामा एकता, राष्ट्र निर्माणमा हाम्रो सहभागिता” भन्ने मूल नाराका साथ कर्णालीको आवाज तथा हुम्लाको सानका रूपमा परिचित डेली मेल मिडिया प्रा. लि. द्वारा सञ्चालित रेडियो मानसरोवर ९२.१ मेगाहर्ज को औपचारिक उद्घाटन सम्पन्न भएको छ ।

रेडियो मानसरोवरको सिमकोट गाउँपालिका अध्यक्ष विजय भण्डारीले समुउद्घाटन गर्नुभएको हो । उद्घाटन समारोहमा बोल्दै अध्यक्ष भण्डारीले यस सञ्चार माध्यमले कर्णालीको विकास, सुशासन र नागरिक सचेतनामा महत्वपूर्ण भूमिका खेल्ने विश्वास व्यक्त गर्नुभयो ।

उहाँले रेडियो मानसरोवरले स्थानीय भाषा, संस्कृति, समस्या र सम्भावनालाई उजागर गर्दै समावेशी विकासमा टेवा पु¥याउने अपेक्षा पनि व्यक्त गर्नुभयो ।
उक्त कार्यक्रममा जनप्रतिनिधि, सञ्चारकर्मी, बुद्धिजीवी, सरकारी तथा गैर सरकारी कार्यालयका प्रमुख एवम प्रतिनिधि,जिल्ला स्थित सुरक्षा कर्मि तथा स्थानीय नागरिकहरूको उल्लेख्य उपस्थिति रहेको थियो ।