नाम्खा–४ याल्वाङमा काडेतारमा फसेको भालु, उद्धारको लागि वन कार्यलयको टोलि जिल्लाबाट प्रस्थान

जिल्लाको उत्तरी क्षेत्रस्थित नाम्खा गाउँपालिका–४ याल्वाङमा एक भालु स्थानीयले लगाएको काडेतारको घेरबारमा फसेको अवस्थामा फेला परेको छ । याल्वाङ प्रहरी चौकीबाट करिब १०० मिटर दूरीमा रहेको घेरबारमा भालु फसेको अवस्थामा भेटिएको हो । हाल उक्त भालुलाई याल्वाङ प्रहरी चौकीको सुरक्षा निगरानीमा राखिएको छ ।

भालुको उद्धार तथा व्यवस्थापनका लागि डिभिजन वन कार्यालय हुम्ला, सिमकोटबाट योजना प्रमुख अज रावलको नेतृत्वमा चार सदस्यीय टोली घटनास्थलतर्फ प्रस्थान गरेको छ । डिभिजन वन कार्यालय हुम्लाका प्रमुख महेश कुमाईका अनुसार टोलीले घटनास्थल पुगेर भालुको अवस्था मूल्याङ्कन गरी सुरक्षित उद्धार तथा आवश्यक व्यवस्थापन गर्नेछ ।