सदरमुकाम सिमकाेटकाे काठेचुलिमा जिप दुर्घटना

हुम्लाको सदरमुकाम सिमकोटमा बोलेरो जिप दुर्घटना भएको छ । बुधबार दिउसो १ वजे जिल्लाको सदरमुकाम सिमकोट स्थित काठेचुलीमा बोलेरो जिप दुर्घटना भएको हो । लु.प्र–०१–००१ज०२८२ नम्बरको गाडी एउटा घरमा ठोकिदा गाडी चालक सामान्य घाइते भएका छन् । गाडी खार्पुनाथ गाउँपालिका–१ को गोप्काका कसम ऐडीको रहेको छ ।
गाडी चालक उहाँकै भाई तिलक ऐडी रहेका छन् । सदरमुकाम सिमकोटबाट सिमकोट तल्लो गाउँ तर्फ जाँदै गर्दा गाडीको व्रेक फेल भएर घरमा ठोकिन पुगेको हो । घरमा ठोकिदाँ चालकको आँखा र माथिल्लो ओठमा सामान्य चोट लगोको छ । सामान्य घाइते भएका चालकको हाल जिल्ला अस्पतालमा उपचार भई रहेको प्रहरीेले जनाएको छ ।
गाडीमा चालक मात्रै भएका कारण मानवीय क्षेती नभए पनि घरको माथिल्लो तलाको एक कोठा भने पुर्ण रुपमा क्षेती भएको छ ।घरको ढोका सहित एक साइटको पुरै देवल भत्किएको छ । उक्त घटना स्थलमा प्रहरीको टोलि पुगेको प्रहरी निरिक्षक जङगबहादुर सिंहले बताउनुभयो । घर सिमकोट गाउँपालिका–५ का पदम रावतको रहेको छ ।