हुम्लाको मानसरोवर क्याम्पस स्ववियुमा सर्वसम्मत नेतृत्व चयन

हुम्ला। हुम्लाको सदरमुकाम सिमकोटमा रहेको मानसरोवर बहुमुखी क्याम्पस, स्वतन्त्र विद्यार्थी युनियन (स्ववियु) को नेतृत्व सर्वसहमत चयन गरेको छ। आगामी चैत ५ गते हुने निर्वाचन कार्यतालिका अन्तर्गत आज उक्त क्याम्पसमा मनोनयपत्र दर्ता गर्ने क्रममा दर्ता भएका विद्यार्थी संघ/संगठनबीचको सहमतिमा नेतृत्व चयन भएको हो।

क्याम्पसका निमित्त प्रमुख एवं निर्वाचन अधिकृत तिर्थराज भण्डारी का अनुसार क्याम्पसको स्ववियु सभापतिमा नेपाली (काङ्ग्रेस ) निकट नेविसंघका सागर कुमार शाही सर्वसहमत निर्वाचित भए। यस्तै सचिवमा जुमन बोहरा एमाले निकट (अनेरास्ववियु ), कोषाध्यक्ष पद मा लक्ष्मी रावल माओवादी निकट अखिल (क्रान्तिकारी ) सर्वसम्वत निर्वाचित भइन्।

यसैगरी निर्वाचित सदस्यमा अनेरास्ववियुबाट धना बुढा , अखिल क्रान्तिकारीबाट निस्मा बोहरा, नेविसघंबाट रेखा बोहरा, निराजन शाही र पेमा छोइजुम तामाङ हुन्। भने समानुपातिक सदस्यमा नेविसंघबाट प्रर्वजन उपाध्याय र बलिराज भण्डारी, अखिल क्रान्तिकारीबाट कन्चना वि.क र मनिषा शाही, अनेरास्ववियुबाट अनमोल बुढा, भुपना बुढा र रमान बुढा निर्वाचित भएको अधिकृत  भण्डारीले जानकारी दिए।

मनोनय दर्ता दिउँसो १: २० बाट सुरु भएर १:४५ मा सकिएको थियो। निर्वाचित पदाधिकारीको औपचारीक रुपमा घोषणा भने गरिएको छैन।